news|news.php|act=View شبكة الأقصى سبورت :علامات الاعراب ورياضتنا الغزية ,,,,, الضم والنصب والكسر ...الخ !!!
السبت 28 نوفمبر 2020
علامات الاعراب ورياضتنا الغزية ,,,,, الضم والنصب والكسر ...الخ !!!
الخميس 2020-10-22 19:18:34
علامات الاعراب ورياضتنا الغزية  الضم والنصب والكسر الخ

بقلم / محمد الخطيب

اول اشي خلينا نترحم على الأستاذ غازي الغريب الذي فارقنا تاركا خلفه ارثا إعلاميا كبيرا ونسال الله له الرحمة والمغفرة وأن يسكنه فسيح جناته انا لله وانا اليه راجعون.

وعادت ريما لعادتها القديمة وراح نسمع الصياح والنواح واللي ما يشتري يتفضل ويتفرج وعلي عينك يا تاجر.

ومع انطلاق الموسم الرياضي وخاصة كرة القدم وما بين شد ومد وبدنا نلعب وما بدناش يكون اللاعب هو الخاسر والخسارة الأكبر للرياضة الغزية بشكل عام.

المشكلة الكل عارفها بس احنا بنعمل حالنا عميان وهي عدم الإدارة الصح وغياب الموارد المالية و اللي هي حجر الأساس في الرياضة وما بعرف ليش الكل قاتل حالو على المنصب الرياضي مع انو الكل عارف انها تكليف ولو شائت الاقدار وتم تفعيل الجمعيات العمومية لكل المنظومة الرياضية اكاد اجزم بغياب تسعين في المية من الوجوه الموجودة حاليا وهدا مش تقليل من اسم حدا معين ولكن صندوق الانتخابات اعتقد انو صار عار نحكي فيه وبنصير ضد الصف والاجماع الوطني الرياضي ,

ومضات على السريع

  • قريبا بعد ضم اللاعبين وما يستحق على هذاالضم من فلوس سنرى بلاغات المحاكم والقضايا وما بدي احكي عن اتهامات البعض سواء لاعبين او مدربين او أصحاب محلات عن مسمى النصب لا دارت بعض الأندية بسبب تخلفها عن السداد وادعاء هاي الإدارات بعدو وجود سيولة مادية لتغطية التزاماتها او انها مكسورة ماليا ( في اللغة العربية هناك علامات الضم والنصب والكسر
  •  
  • كان من الاجدر ان يقوم الاتحاد الفلسطيني هدا الموسم بتنظيم العلاقة بين النادي من جههواللاعبين والأجهزة الفنية من جهة تانية زي تحديد العقود اللي بتنظم العلاقة بتاريخ محدد يبدا من وينتهي حتى. واجبار الأندية على تزويد الاتحاد بالعقود اللي تضع الأمور في مكانها الصح.(  في اللغة علامة الجزم )
  •  
  • ما بعرف على أي أساس تتسارع الأندية لضم اللاعبين و تتعهد بدفع قيمة التعاقد للاعبين وطبعا ما بدنا ننسى موضوع الملابس وملحقاتها وما بدنا نحكي عن المواصلات وغيرو ,,( في اللغة العربية علامة النصب )
  •  
  • بعض الأندية اجتمعت لتحديد موقفها من انطلاق الموسم الرياضي على أساس انهم يملكون رأي من المشاركة من عدمها في البطولات وبكرة بنلاقيهم اول المطبلين ,,قصدي المشاركين وكأنك يا أبو زيد ما غزيت ...( في اللغة العربية هناك جمع المؤنث السالم )
  •  
  • الاخوة الافاضل في اللجنة الأولمبية يقع عليكم اجبار الاتحادات بتنظيم العلاقة ما بينها وبين الجمعيات العمومية بطريقة إدارية صحيحة وواضحة وما بدنا نعيد ونزيد واكيد انتو اهل لهيك موضوع.( الجر من علامات الاعراب كمان )
  •  
  • اللي مش قد الشيل الباب يفوت جمل وبدناش شعارات وكلام ع الفاضي والمليان وهدا موجه لأصحاب المناصب والكراسي وبتوع شوفيني يا بنت خال وانا رايح وانا جاي وبكفينا منظرة ع الفاضي ومش مليان .انتوجايين و عارفين الوضع كيف يا بتكونوا قدها يا الله معاكو يا حبايب ( في حاجة في اللغة اسمها استعارة مكنية )
  •  
  • حبايبي اللاعبين بدناش قصة بديش العب وشغل الحردنات تاع كل موسم انت جاي وعارف الموضوع باللي فيه ف يا ريتيا  بتقبل الموجود على ما هو يا من أولها بتقول انا بدي فلوسي كوم فول وبكفي أفلام قرعة . ( هناك حاجة اسمها علامة الشرط )

و للكلام بقية ,,,,

اندية الممتاز على النحو التالي :

SMS

  • خدمات رفح  ,,,,   ( فاعل مرفوع )
  • خدمات الشاطئ     ( اسم موصول )
  • اتحاد الشجاعية     ( جمع مذكر )
  • بيت حانون          ( ممنوع من الصرف )
  • شباب جباليا         ( جمع تكسير )
  • هلال غزة            ( الوصف )
  • اتحاد خانيونس       ( الاستفهام )
  • الصداقة          (الماضي و المضارع )
  • شباب رفح       ( السكون )
  • شباب خانيونس  ( ضمير متصل )
  • التفاح            ( المبتدأ)
  • الجلاء            ( الخبر )


اسمك:
الدولة:
تعليق:
 

التعليقات

اقرا أيضا
تابعنا على facebook >>